A Federación de Industria, Construción e Agro da Unión Xeral de Traballadores (UGT-FICA) reclamou á Xunta a posta en marcha dun plan específico para o sector naval da Ría de Vigo, que inclúa medidas para o emprego e para a formación e ‘recualificación’ dos traballadores.
Nun comunicado remitido este martes, o sindicado indicou que dirixiu un escrito á Consellería de Emprego para “alertar da importante falta de pedidos” que hai nos estaleiros da Ría de Vigo, o que provoca “unha falta de empregabilidade importante tanto nas empresas principais como nas auxiliares”.
Neste contexto, reclamou “un plan específico para o sector que permita soster o emprego” e “impulsar un plan ambicioso de formación e recualificación que permita non perder o talento dispoñible e dotalo de novas competencias para abordar a modernización que o sector precisa”.
Para iso, considerou “imprescindible” que as empresas, administracións e sindicatos actúen conxuntamente para reverter “a falta de actividade”. “Hai que dispor de profesionais preparados para encarar a recuperación”, agregou.
Desta forma, instou ás empresas a manter aos seus traballadores e “acompañalos no proceso de adaptación ás novas tecnoloxías”, así como que as administracións “doten ao sector dos recursos necesarios para pór en marcha plans de fortalecemento e relanzamento”.