Denuncian o “abandono” do barrio de Navia: “o Concello segue sen dar solucións”

Denuncian "desperfectos graves" no mobiliario, así como 'fochancas' e parques pouco atendidos.

Edificios de Navia / Wikipedia

Pouco despois de que a Xunta pisara o acelerador ao proxecto para desenvolver o parque público de vivenda en Navia veñen de xurdir denuncias da banda dos veciños do barrio contra o estado de “abandono” da zona. A denuncia veciñal, que vén de ser canalizada polo Partido Galego, afecta a diversos aspectos da área.

A formación reclama atención por parte do goberno local xa que, segundo eles mesmos sinalan “se senten ignorados ante o estado de abandono que está a vivir a zona”. “O maior parque urbano de Vigo está sendo totalmente desatendido e sen mantemento mínimo”, explican a respecto dunha problemática que deriva en que “a xestión de parques e xardíns non está cumprindo o seu cometido de poda de árbores e limpeza”.

A formación indica a este respecto que, de acordo cos veciños, os servizos do Concello só acoden a atender á zona si se producen numerosas chamadas de queixas ao consistorio. “O abandono tamén se produce no ámbito do solo con danos nos sumidoiros e fochancas sen cubrir que son perigosas para os viandantes. O goberno local non deu solución e só se limitou a sinalizar as zonas afectadas”, subliñan.

PROPOSTAS

Ante estas problemáticas, ás que se unen os danos e mesmo “desperfectos graves” de “parte do mobiliario da zona de Navia”, o PG propón levar a cabo ese mantemento e limpeza que, segundo as denuncias, non se dá, cubrir as fochancas que apreciar na área e a “reparación ou substitución” do mobiliario urbano danado.

DEIXAR UN COMENTARIO

Please enter your comment!
Please enter your name here