InicioSociedadeFamiliares denuncian a celebración dunha misa na residencia Paz y Bien de...

Familiares denuncian a celebración dunha misa na residencia Paz y Bien de Tui “sen respectar a normativa antiCOVID”

A congregación responsable do centro asegura que a cerimonia cumpriu os requisitos sanitarios.

PUBLICADO O

A Federación Galega de Asociacións de Familiares e Usuarios de Residencias (REDE) denunciou este luns a celebración dunha misa no centro Paz y Bin de Tui, “sen respectar a normativa antiCOVID”, e a pesar das peticións de que se suspendese a eucaristía polos riscos que podería ter.

O portavoz da organización, Paulino Campos, explicou, en declaracións a Europa Press, que a misa se celebrou na tarde deste luns, coa presenza de tres sacerdotes do santuario da Franqueira, así como “dous gaiteiros e uns 40 invitados“.

Segundo sinalou, a cerimonia desenvolveuse “sen distancias de seguridade” e lembrou que, precisamente neste centro, a terceira onda provocou un importante brote de contaxios (66 casos de usuarios e máis dunha trintena entre traballadoras), que se saldou con 23 persoas falecidas.

A responsable da residencia, a irmá Isabel Lomba, explicou, no entanto, que a misa se desenvolveu con normalidade, nos xardíns do centro, “con máscaras e respectando a normativa sanitaria”. Á celebración, que tamén serviu como homenaxe ás persoas falecidas pola pandemia, “foron convidados familiares dos usuarios, e acudiron os que quixeron”.

O centro Paz e Ben de Tui foi intervido pola Xunta de Galicia a mediados de xaneiro pasado, aínda que xa non está baixo intervención da administración. Fontes de Política Social consultadas por Europa Press sinalaron que a celebración de actos relixiosos non está prohibida nos centros, “sempre que se respecten as normas sanitarias” e engadiron que non teñen probas nin constancia de que estas normas se incumprisen este luns na devandita residencia.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...