InicioSociedadeO Goberno de Vigo habilitará zonas de aparcadoiro gratuítas en centros de...

O Goberno de Vigo habilitará zonas de aparcadoiro gratuítas en centros de atención primaria onde se vacúa

PUBLICADO O

O Goberno de Vigo habilitará zonas de aparcadoiro gratuítas nas inmediacións dos centros de atención primaria da cidade onde se está realizando a vacinación polo coronavirus.

Así o comunicou este mércores o alcalde, Abel Caballero, que indicou que xa deu instrucións á Policía Local para que habilite estes espazos de estacionamento nun “prazo breve, dun ou dous días”. Así, aínda que se trate de zonas de estacionamento regulado, “quedarán libres de ningún tipo de pago”.

Segundo indicou o rexedor, estes espazos poderán ser utilizados polas persoas que acudan a vacinarse, “sobre todo a xente maior”. Para iso, bastará con ensinar un documento ou unha mensaxe no que conste a cita.

Caballero lembrou que a vacinación se realiza no Instituto feiral de Vigo (Ifevi), onde hai aparcadoiro gratuíto; nalgúns centros de atención primaria; e no Hospital Álvaro Cunqueiro. Respecto ao centro hospitalario, remarcou que “hai un aparcadoiro gratuíto do Concello”, pero “a Xunta cobra por aparcar” no seu, polo que instou á Administración galega a que “poña gratis” este estacionamento.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...