Dúas mulleres mortas en Vigo elevan a 2.334 as vítimas da covid-19 en Galicia

Tiñan 90 e 88 anos.

Persoal sanitario atende a un paciente de Covid na UCI do hospital Povisa / Foto Miguel Riopa - remitida por Povisa.

A Consellería de Sanidade notificou na tarde deste domingo os falecementos de dúas persoas en Vigo que estaban diagnosticadas de covid-19. Con estas, as vítimas que deixa a pandemia en Galicia ascenden a 2.334.

En concreto, morreron con coronavirus dúas mulleres de 90 e 88 anos, respectivamente, que permanecían ingresadas no Complexo Hospitalario Universitario de Vigo (Chuvi). Contaban con patoloxías previas.

A notificación destas dúas novas vítimas este domingo prodúcese despois de que, na xornada do sábado, Sanidade non notificase ningún novo falecemento vinculado coa covid. Isto non ocorría desde o pasado 27 de setembro, había seis meses.