InicioSucesosInvestigado un veciño de Moaña por conducir sen carné e cun adhesivo...

Investigado un veciño de Moaña por conducir sen carné e cun adhesivo falso da ITV

Unha dotación da Policía Local de Bueu solicitou apoio da Garda Civil despois de que o condutor se saltase un control e non fixese caso das indicacións dos axentes para deterse.

PUBLICADO O

- Advertisement -

A Garda Civil de Pontevedra tramitou dilixencias de denuncia contra un veciño de Moaña, de 38 anos de idade, a quen se investiga por un suposto delito contra a seguridade viaria e outro de falsidade documental, por circular sen carné e cun adhesivo falso da ITV, que tiña caducada.

Segundo informaron fontes do Instituto Armado, os feitos ocorreron na mañá do pasado martes, 23 de marzo, cando unha dotación da Policía Local de Bueu solicitou apoio da Garda Civil despois de que un condutor se saltase un control e non fixese caso das indicacións dos axentes para deterse.

O vehículo foi finalmente interceptado por axentes da Benemérita no quilómetro 6 da autovía AG-46, no termo municipal de Moaña. Ao identificar o condutor e comprobar a súa documentación, a Garda Civil constatou que carecía de permiso de conducir vixente, xa que lle fora retirado por perda de puntos.

Ademais, o coche tiña a ITV caducada desde 2015, e levaba na parte superior da lúa dianteira un adhesivo falso coma se esa inspección tivese o período de validez en vigor.

Por todo iso, instruíronse dilixencias contra o condutor, investigado como presunto autor dun delito contra a seguridade viaria e outro de falsidade documental. As actuacións foron remitidas ao xulgado de instrución de garda de Cangas.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...