O Goberno de Vigo manifestou que o incremento da achega que a Xunta propuxo para o festival do Marisquiño “é irrelevante e insuficiente” e augurou que, ademais, vai incumprir ese compromiso.
Así o trasladou nun comunicado, despois de que a delegada territorial, Marta Fernández-Tapias, comunicase que o Goberno autonómico está disposto a incrementar a súa achega ao festival, pasando de 120.000 a 200.000 euros, no caso de que reconsidere marcharse de Vigo; e pedise ao Concello e á Deputación que “rectifiquen” a súa decisión de recortar as súas axudas nun 70 %.
O Goberno vigués chamou á Administración autonómica a “que iguale a cantidade que achegaron Concello e Deputación de Pontevedra nas últimas edicións do certámen, unha cooperación que alcanzou os 500.000 euros, máis servizos como limpeza e seguridade, entre outros”.
“A última vez que a Xunta se comprometeu a incrementar a súa colaboración co festival non o fixo, é dicir, volveu incumprir o seu compromiso, do mesmo xeito que o vai a facer agora”, mantivo, insistindo en que “mentres a Xunta obstaculiza, o Goberno local segue traballando para manter na cidade este evento deportivo”.
