No que vai de mes de febreiro, a Xunta citou a participar nos cribados poboacionais da área de Vigo a un total de 56.534 persoas, das que participaron neles 35.455, o 62,7%, e permitiron diagnosticar a 106 positivos.
Ademais do cribado masivo á poboación do Concello de Vigo realizado no IFEVI -no que se convocou a 34.252 persoas, cunha participación do 61% e 24 casos positivos-, tamén se efectuaron neste mes cribados noutros concellos da área viguesa.
Neles foron citadas 22.282 persoas, participaron 14.485 (un 65%) e diagnosticáronse 82 casos positivos. En concreto, localizáronse 23 positivos do Porriño, cinco en Salceda de Caselas, tres nas Neves, 15 en Redondela, nove en Chapela, oito en Mondariz e catro en Mondariz Balneario.
Paralelamente, os cribados deste mes tamén diagnosticaron 1 positivo no CPI Mondariz e 14 no Politécnico de Vigo. No CPR Apóstolo Santiago de Vigo non se detectou ningún caso.