InicioSociedadeO Fiscal pide máis de 67 anos de cárcere para o salesiano...

O Fiscal pide máis de 67 anos de cárcere para o salesiano acusado de abusar de seis menores

O acusado traballaba no centro María Auxiliadora de Vigo.

PUBLICADO O

A Fiscalía pide penas que suman máis de 67 anos de cárcere para o salesiano Segundo C.V., que traballaba no centro María Auxiliadora de Vigo e ao que acusa de abusar sexualmente de seis menores durante un campamento de verán e nunha peregrinación a Santiago de Compostela.

O ministerio público reclama tamén que se lle impoña o afastamento e a prohibición de comunicarse cos menores, unha medida de liberdade vixiada por 8 anos, e a inhabilitación para desempeñar profesións ou ocupacións nas que puidese ter contacto con menores.

Así se recolle no auto de apertura de xuízo oral contra este relixioso, ditado polo xulgado de instrución número 4 de Cambados (Pontevedra), e no que tamén se reflicten as penas solicitadas pola Fundación Amigos de Galicia (que exerce a acusación popular e pide un total de 30 anos de cárcere) e as acusacións particulares, exercidas por parte das familias dos nenos (que piden un total de 54 anos de cárcere).

Segundo C.V. foi detido en xullo de 2019, despois das denuncias de varios menores sobre supostos abusos durante un campamento de verán en Cambados. Ao longo da instrución, o xulgado determinou que o investigado puido ter cometido abusos tamén noutras ocasións, como nunha peregrinación a Santiago, en abril dese ano, ou en xuño, no centro xuvenil Abertal, ao que acudiu outro menor para ver un partido de fútbol.

Na primavera de 2020, a súa defensa solicitou a súa saída de prisión (o fixera antes, pero sempre se lle denegou) e, tras un recurso estimado parcialmente, a Audiencia Provincial decretou a súa posta en liberdade provisional, baixo fianza de 12.000 euros.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...