InicioSociedadeA UVigo lanza un programa para manter contacto con exalumnos e traballadores

A UVigo lanza un programa para manter contacto con exalumnos e traballadores

Permitirálles ter vantaxes en ámbitos como formación, orientación ou acceso a recursos da universidade

PUBLICADO O

A Universidade de Vigo presentou este mércores formalmente a súa comunidade Alumni, un servizo para conectar a antigos titulados, empregados e estudantes que pasasen nalgún momento pola institución. No acto de presentación desta plataforma, que xa está operativa neste enlace, o reitor da UVigo sinalou que este novo “servizo” é unha iniciativa “longamente esperada”, á vez que sinalou que, nunha institución “nova” como a universidade viguesa, na que “se fan as cousas ben”, “faltaba” esta comunidade.

Así, establécese un “vínculo” entre a Universidade de Vigo “e os que xa non están nela”, polo que animou a todos os que formaron parte da comunidade universitaria, e que son “os mellores embaixadores” da institución, a unirse a Alumni e “sacar partido” desta plataforma de encontro.

A vicerreitora de Captación de Alumnado, Estudantes e Extensión Universitaria, Natalia Caparrini, explicou o funcionamento desta web, na que os interesados poderán solicitar adherirse á comunidade Alumni. Esta comunidade ofrecerá aos seus membros vantaxes en ámbitos como a formación, o acceso a recursos da Universidade ou orientación laboral.

Pero o máis importante, destacou a vicerreitora, é a creación dunha “rede social” na que antigos alumnos, PDI, PAS ou estudantes estranxeiros que pasaron pola UVigo poderán estar conectados. Ademais, os membros de Alumni poderán adquirir diferentes “roles” para achegar as súas experiencias, coñecementos, etc. (embaixadores, patrocinadores, mentores, mecenas ou expertos).

ALUMNI ESPAÑA

Pola súa banda, o presidente da Federación de Asociacións de Antigos Alumnos e Amigos das Universidades Españois, Antonio José Redondo, celebrou a adhesión da UVigo á comunidade Alumni, e sinalou que ese paso suporá importantes “beneficios” para a institución viguesa. Redondo, así mesmo, aproveitou a presentación para convidar formalmente o presidente do Consello Social da UVigo, Ernesto Pedrosa, a formar parte do Consello Asesor de Alumni España.

Pedrosa, que aceptou o ofrecemento, tamén valorou a incorporación da UVigo á comunidade Alumni, e recalcou, entre outras cuestións, que os membros desa comunidade “son observadores privilexiados para saber se a formación recibida na Universidade e o mercado laboral están en sintonía”.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...