InicioMedio Ambiente e PatrimonioPoñen en marcha unha operación para salvar ao corvo mariño utilizando luces...

Poñen en marcha unha operación para salvar ao corvo mariño utilizando luces led

É un proxecto pioneiro das universidades de Vigo e Oviedo.

PUBLICADO O

Investigadores do Grupo de Ecoloxía Animal da Universidade de Vigo (UVigo), en colaboración co departamento de Bioloxía de Organismos e Sistemas da Universidad de Oviedo, puxeron en marcha un proxecto que busca reducir a mortalidade do corvo mariño moñudo provocada polas artes de pesca.

Para levar a cabo este proxecto, denominado Encorat, os investigadores traballarán ao longo deste ano en augas de Galicia e Portugal para estudar a efectividade dun prototipo que evite os accidentes e realizar un estudo sobre a distribución destas aves, cuxa poboación máis importante de toda a península ibérica atópase en Galicia.

En concreto,para reducir a captura accidental do corvo mariño moñudo, os investigadores instalarán nas redes de pesca dispositivos luminosos tipo LED que farán que as aves poidan detectar a presenza das redes dentro da auga e así evitalas.

Neste contexto, en vistas a non afectar o rendemento da pesca, estudarase tamén o posible efecto das luces na captura das especies comerciais de peixe.

O proxecto, que conta cun financiamento de preto de 83.000 euros, arrincou o pasado mes de decembro e a intención dos investigadores é que, de conseguirse os obxectivos esperados, este tipo de medidas “aplíquense alí onde se están producindo as mortalidades máis importantes” desta especie, así como nos espazos naturais protexidos pola Rede Natura.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...