O Servizo Galego de Saúde (Sergas) nomeou como nova subdirectora de recursos humanos da área sanitaria de Vigo a Belén Baltar Trabazo, quen xa ocupou varios cargos directivos no Complexo Hospitalario de Ourense e o Complexo Hospitalario de Vigo. Así o comunicou o Sergas, que indicou que Baltar exerceu desde outubro de 2015 como responsable da Oficina Técnica de Seguimento (OTS) do Hospital Álvaro Cunqueiro e incorporouse este mércores ao seu novo cargo.
Belén Baltar é licenciada en dereito e especializouse na xestión do ámbito sanitario a través dun máster en xestión e administración sanitaria e outro en dereito sanitario. Ademais, ten as diplomaturas de Directivo da Xunta e de Alta Dirección Hospitalaria.
