“Miña nai chegou a pasar 4 días coa mesma roupa”: a dura denuncia contra o centro vigués Ballesol

Denuncian roubos, suciedade e malnutrición na Ballesol de Vigo: "cando recollín a miña nai pesaba 14 kg menos."

Ballesol.

Nova denuncia pola situación das residencias galegas. Neste caso, o centro no punto de mira non é outro que a residencia Ballesol de Vigo. Unha tuiteira vén de relatar o “conto de bruxas” que viviu logo de deixar no centro en cuestión a súa nai, de 88 anos, durante tan só 5 meses.

Nun longo fío de Twitter, a muller encadena unha denuncia na que carga duramente contra o trato ofrecido á nai por parte dos profesionais da residencia. A muller, que di estar ponderando a posibilidade de interpoñer unha denuncia contra o centro, asegura que a anciá chegou a “pasar 4 días coa mesma roupa”, sufriu roubos e mesmo lle negaron comida; unha circunstancia que muller ve sorprendente sabendo que a tarifa da residencia chega a 1.400€ mensuais.

A residencia viguesa de Ballesol, pertencente á cadea do mesmo nome, foi escenario a comezos do pasado mes de novembro dun gromo de covid que xa se cobrou a vida dunha vítima. Polo momento, a residencia non emitiu comunicación algunha en resposta á cadea de tweets a continuación recollida, que se fixo viral en poucas horas.

DEIXAR UN COMENTARIO

Please enter your comment!
Please enter your name here