InicioSociedadeA área de Vigo mantense á cabeza dos casos activos en Galicia...

A área de Vigo mantense á cabeza dos casos activos en Galicia malia rexistrar un novo descenso

A área olívica rexistra 1.977 positivos, 7 menos ca o mércores.

PUBLICADO O

Os positivos diarios por coronavirus volven experimentar unha subida en Galicia ao detectarse nas últimas horas 350 novos casos, 22 máis que no anterior balance. A área de Vigo segue sendo a principal responsable do incremente de novos positivos, aínda que o distrito ourensán notifica un destacado incremento na detección de casos con máis do dobre dos que descubrira 24 horas atrás e unha positividade nas probas PCR realizadas de case o 20%.

Así figura no balance diario que publica na mañá deste xoves a Consellería de Sanidade na súa páxina web con datos solicitados ata as 18,00 horas do mércores. Deste xeito, Galicia diagnosticou por proba PCR en 24 horas un total de 350 casos de covid-19, 100 deles na área de Vigo, que continúa como a máis afectada pola pandemia nestes momentos.

Con todo, baixan os casos detectados na área viguesa, pois son 15 menos que os que foron diagnosticados 24 horas atrás. Tamén descenden en Ferrol e Lugo, mentres soben levemente na Coruña e Pontevedra e de forma máis pronunciada en Santiago e Ourense. Neste último distrito sanitario, que abarca toda a provincia ourensá, detectáronse nas últimas horas 41 casos de coronavirus, 25 máis que o día anterior. Ademais, tamén destaca a taxa de positividad das probas PCR realizadas, que chegou ao 19,2%.

En Santiago tamén hai un aumento dos positivos con 18 máis dos descubertos un día antes: foron un total de 55. Na área de Pontevedra o aumento é mínimo, pois só foi un máis que 24 horas antes: 42 casos detectados. Tamén aumentaron os positivos na área da Coruña ata os 61, cinco máis. Por contra, as cifras de contagios diminuíron nas áreas de Ferrol (20 positivos, dez menos que o día anterior) e en Lugo, onde se diagnosticou coronavirus por PCR a un total de 31 persoas, seis menos que 24 horas atrás.

CASE 300 PCR MENOS

A web de Sanidade tamén reflicte que ata o momento realizáronse en Galicia un total de 917.308 PCR, o que supón que nas últimas 24 horas horas leváronse a cabo 6.245 probas, 290 menos que na xornada anterior. Así mesmo, a taxa de positividade experimenta unha nova subida ata situarse no 6,5% das probas realizadas, co que Galicia se mantén por encima do limiar do 5% que marca a Organización Mundial da Saúde (OMS) para dar por controlada a pandemia.

E é que, segundo figura na actualización da evolución epidemiolóxica deste xoves, só una do sete áreas sanitarias de Galicia está por baixo dese límite: Ferrol co 2,2%. O resto superan este xoves o limiar: A Coruña (6,2%), Lugo (5,8%), Ourense (19,2%), Pontevedra (7,1%), Santiago (5,6%) e Vigo (6,0%).

CASOS ACTIVOS

En canto aos casos activos –persoas que aínda están diagnosticadas da enfermidade–, a Comunidade galega mantén a súa tendencia á baixa, pois no último balance contabilízanse a 7.419, 118 menos que o martes. Unha tendencia á baixa que se mantén en todas as áreas sanitarias salvo en Ourense, que rompe a súa evolución cun aumento dos casos activos ata os 450, 14 máis dos que había no balance do xoves.

Deste xeito, Vigo continúa como a área con máis casos activos, aínda que baixan de novo ata situarse en 1.977 (sete menos). Séguelle A Coruña-Cee, que contabiliza este xoves 1.525 (50 casos menos) e Pontevedra-Barbanza, na que hai 1.106 infeccións activas (16 menos).

O resto de áreas sanitarias mantense por baixo do milleiro de casos activos: Lugo-A Mariña-Monforte, con 885 (26 menos); Santiago-Barbanza, con 825 (-8); e Ferrol, con 654 (-24).

CURADOS E FALECIDOS

Sanidade tamén recolle que desde o principio da pandemia diagnosticouse de covid-19 en Galicia a un total de 53.207, das que 44.563 curáronse, 477 delas nas últimas 24 horas.

No entanto, a cifra de mortos que deixa a crise sanitaria na Comunidade galega continúa en aumento e ascende xa a 1.228 tras o falecemento de sete persoas nas últimas horas, dúas delas procedentes de residencias de maiores.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...