InicioSociedadeA área de Vigo rexistra máis dun terzo dos positivos contabilizados nas...

A área de Vigo rexistra máis dun terzo dos positivos contabilizados nas últimas 24 horas

Sanidade informa de 115 contaxios, 46 máis que o martes.

PUBLICADO O

Os positivos por coronavirus detectados en 24 horas en Galicia aumentan tras varios días estabilizados por baixo dos 250 casos diarios que marcaron os mínimos do outono. Deste xeito, nas últimas horas diagnosticáronse 328 casos de covid-19, máis dun terzo deles na área sanitaria de Vigo (115).

Así figura nos datos publicados á primeira hora deste mércores na páxina web da Consellería de Sanidade con datos actualizados ás 18,00 horas do martes. Nese momento, todas as áreas sanitarias detectaran máis positivos que o día anterior salvo Pontevedra e Lugo, onde a variación é de, respectivamente, apenas oito e un caso en comparación co anterior balance.

Deste xeito, a área de Vigo concentra a maior parte dos casos confirmados por PCR nas últimas horas. Foron un total de 115, 46 máis que o día anterior. No resto de áreas sanitarias o maior aumento de positivos en 24 horas dáse no da Coruña-Cee, onde foron diagnosticadas 56 persoas (16 máis).

Tamén soben en Ferrol ata os 30 casos durante as últimas horas (18 máis), así como na área de Santiago-Barbanza a 37 (12 máis) e Ourense-Verín-Ou Barco a 16 (seis máis). Por contra, só baixan os positivos detectados na área de Pontevedra-O Salnés –foron 41, oito menos que 24 horas antes– e en Lugo, onde se diagnosticou covid-19 a 37 persoas –unha menos–.

AUMENTAN EN MÁIS DE 2.000 As PCR

A web de Sanidade tamén reflicte que ata o momento realizáronse en Galicia un total de 911.063 PCR, o que supón que nas últimas 24 horas horas leváronse a cabo 6.535 probas, 2.069 máis das que se fixeron na xornada anterior. Así mesmo, a taxa de positividad volve a repuntar un décimas respecto ao martes e sitúase no 5,8%. Deste xeito, Galicia continúa por encima do umbra do 5% que marca a Organización Mundial da Saúde (OMS) para dar por controlada a pandemia.

Tres das áreas sanitarias están por baixo deste límite con Ourense en 2,1%, Santiago en 3,9% e A Coruña no 4,2%; mentres que o resto están por encima do limiar: Lugo no 7,8%, Ferrol no 9,7%, Pontevedra no 5,7% e Vigo no 7,5%.

CASOS ACTIVOS

En canto aos casos activos –persoas que aínda están diagnosticadas da enfermidade–, a Comunidade galega mantén a súa tendencia á baixa, pois no último balance contabilízanse a 7.537, 109 menos que o martes. É máis, todas as áreas sanitarias rexistraron caídas nos enfermos de covid-19. A de Vigo continúa como a que máis casos activos mantén, aínda que baixan de novo os casos activos ata situarse en 1.984 (nove menos).

Séguelle A Coruña-Cee, que contabiliza este mércores 1.575 (31 casos menos) e Pontevedra-Barbanza, na que hai 1.122 infeccións activas (15 menos). O resto de áreas sanitarias mantense por baixo do milleiro de casos activos: Lugo-A Mariña-Monforte, con 911 (menos 24); Santiago-Barbanza, con 834 (-11); Ferrol, con 675 (-6); e Ourense-Verín-Ou Barco, con 436 (-13).

CURADOS E FALECIDOS

Sanidade tamén recolle que desde o principio da pandemia diagnosticouse de covid-19 en Galicia a un total de 52.841 persoas, das que 44.086 curáronse, 468 nas últimas 24 horas.

No entanto, continúa subindo igualmente a cifra de mortos que deixa a crise sanitaria na Comunidade galega, que ascende a 1.221despois de que se notificasen 10 decesos a última hora do martes, entre eles, o dun mozo de 28 anos dun centro de discapacidade.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...