InicioVigo e contornaVigoBrotes de Covid-19 no Hospital Álvaro Cunqueiro e no Meixoeiro provocan o...

Brotes de Covid-19 no Hospital Álvaro Cunqueiro e no Meixoeiro provocan o adiamento de intervencións cirúrxicas

As intervencións cirúrxicas aprazadas corresponden a patoloxías que non revisten gravidade

PUBLICADO O

- Advertisement -

Un brote de COVID-19 detectado no Hospital Álvaro Cunqueiro de Vigo causou o adiamento de intervencións cirúrxicas programadas correspondentes a patoloxías que non revisten gravidade, tal e como afirman fontes do Sergas.

O foco de contaxio, que se rexistrou en quirófano de Urxencias, afectou a persoal desta área, en concreto, a dúas enfermeiras que deron resultados positivos en coronavirus, mentres que outros catro sanitarios permanecen en corentena.

Ante a falta de enfermeiros dispoñibles nas listas de contratación do Sergas para cubrir estas ausencias e debido á especialización que require esta área, optouse por aprazar intervencións cirúrxicas “demorables” e que “non supoñen un compromiso vital”, para dispór do persoal suficiente para garantir a actividade do quirófano de Urxencias.

Por outra banda, detectouse outro brote de COVID-19 no Hospital Meixoeiro de Vigo que, segundo as mesmas fontes, atópase “controlado”. Este foco foi rexistrado na área de Endocrinoloxía e sumou os casos positivos de dúas enfermeiras e dous facultativos. Por iso, sometéronse a probas PCR os compañeiros de traballo, que arroxaron resultados negativos.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...