Un accidente de circulación rexistrado en Mos no que se viron implicados catro vehículos saldouse con dúas persoas feridas, segundo informa o CIAE 112 Galicia.
O sinistro tivo lugar ás 17,30 horas na estrada A-55 en dirección Vigo á altura do Concello de Mos, ata onde se desprazaron os efectivos de emerxencias e de Urxencias Sanitarias 061.
Estes últimos procederon a prestar atención médica aos feridos, que posteriormente foron trasladados á Clínicia Fátima de Vigo.