Deteñen a un home en Vigo que tentou arrebatarlle a arma un policía

O home foi reducido logo de golpear ós axentes.

Vehículo da Policía Local / CONCELLO DE TUI

Axentes da Policía Local de Vigo detiveron a un veciño de Pontevedra, P.A.N., de 34 anos de idade, como presunto autor dun delito de atentado e resistencia a axentes da autoridade, tras agredir a un funcionario e tratar de arrebatarlle a arma. Os feitos ocorreron, segundo informou a Policía Local, na madrugada deste xoves, cando o 092 recibiu un aviso para acudir a un establecemento hostaleiro da rúa Joaquín Loriga, onde dous homes estaban a molestar aos clientes e ao dono do local.

Ao chegar, os axentes observaron a dous homes increpando ao dono do establecemento, que informou os policías de que esas dúas persoas estaban a insultar e molestando a outros clientes, incumprindo as medidas de distanciamento. Ademais, un deles negábase a pór a máscara, aínda a pesar de que non estaba sentado, senón que se estaba movendo por todo o local.

Cando os funcionarios os requiriron para que se identificasen, os dous homes reaccionaron de forma hostil, negáronse a dar explicacións e limitáronse a insultar ao dono do local e á súa muller, á vez que se negaron a achegar a súa documentación. Os axentes informáronlles de que serían trasladados a dependencias policiais para ser filiados e, nese momento, un dos homes abalanzouse sobre un axente, golpeándoo, e tratando de arrebatarlle a arma sen éxito. O home foi reducido e, a pesar de opor gran resistencia, foi detido.