InicioPolíticaEU súmase á petición de reabrir a causa contra Juan Carlos I:...

EU súmase á petición de reabrir a causa contra Juan Carlos I: “Xa é hora de que pague polas súas falcatruadas”

Esquerda Unida e o Partido Comunista de Galicia escenificaron este mércores o seu apoio á reapertura da causa contra Juan Carlos I e outro sete persoas por supostos delitos de corrupción.

PUBLICADO O

A coordinadora de EU e secretaria do PCG, Eva Solla, xunto con Rubén Pérez, secretario de organización de EU, e René Gamborino, secretario de organización do PCG en representación de Esquerda Unida e o Partido Comunista de Galicia, presentaron este 12 de agosto un escrito nos Xulgados de Vigo onde reclaman a reapertura da querella criminal presentada no 2018 por Izquierda Unida, o Partido Comunista de España e o Foro de Abogadas e Abogados de IU contra o rei emérito xunto con outras sete persoas.

“A inviolabilidade da que dispón o rei emérito non pode significar que ante delitos de enriquecemento que poden operar contra a facenda pública, esta persoa ten que ser xulgada igual que calquera outro cidadán”, di Eva Solla.

“O que estamos a solicitar é cuestión de democracia e de xustiza, que quen foi xefe do estado poida ser xulgado neste país e responda polos seus actos”, conclúe a coordinadora de EU.

A querela criminal presentada ante o Tribunal Supremo contra o rei emérito xunto con outras sete persoas que se reparten a imputación de 13 supostos delitos, entre eles están os de suborno contra a Facenda Pública, administración desleal, fraude e exaccións ilegais, tráfico de influencias, constitución de grupo criminal, blanqueo de capitais, encubrimento, ameazas de morte condicionais, descubrimento e revelación de segredos, omisión do deber de perseguir delitos ou corrupción entre particulares.

Dende EU e o Partido Comunista de Galicia solicitan a reapertura da investigación “dos fondos irregulares” que Juan Carlos de Borbón “tería depositados en Suíza e relacionados cos pagos realizados por Arabia Saudí“.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...