InicioSociedadeEvacuada ao hospital unha muller rescatada do mar por varios bañistas na...

Evacuada ao hospital unha muller rescatada do mar por varios bañistas na praia viguesa da Sirenita

A Policía Local pensa que a bañista estaba a nadar e viuse arrastrada pola corrente, sen poder volver á beira, ata que puido agarrarse ás rochas.

PUBLICADO O

- Advertisement -

Unha muller duns 50 anos de idade foi trasladada ao Hospital Álvaro Cunqueiro tras ser rescatada do mar por varios bañistas, que se atopaban na praia viguesa da Sirenita.

Segundo informou a Policía Local, os feitos ocorreron na tarde do domingo, cando varios bañistas que se atopaban no areal decatáronse de que unha persoa que estaba na auga facía xestos estraños mentres se agarraba a unhas rochas, e parecía que se estaba afogando.

Varias das testemuñas entraron na auga para socorrela e lograron arrastrala cara á beira, onde foi atendida polo servizo de socorrismo e por técnicos do 061. A muller atopábase consciente pero con síntomas de esgotamento e foi evacuada ao Álvaro Cunqueiro.

A Policía Local trasladou que, probablemente, a bañista estaba a nadar e viuse arrastrada pola corrente, sen poder volver á beira, ata que puido agarrarse ás rocas.

Por outra banda, ese mesmo día produciuse outro rescate, nese caso na zona de Samil. Alí, unha embarcación tivo que socorrer a un mozo que se atopaba agarrado a unha aboia de balizamento. O mozo non podía, debido ao cansazo, regresar á beira, e tras ser rescatado foi atendido no módulo de socorrismo ata que se recuperou.

ÚLTIMAS

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...

Un accidente na Ponte de Rande provoca retencións na AP-9

Un accidente na ponte de Rande provoca retencións na autoestrada AP-9 en dirección Pontevedra,...

Prohibida a pesca do choco nas rías de Vigo e Pontevedra durante máis de tres meses

O Diario Oficial de Galicia (DOG) publica este xoves as resolucións da Consellería do...

PP e BNG de Vigo acusan que se impediu aos feirantes acdeder ao Concello e o goberno local négao

Os grupos municipais do PP e o BNG criticaron este xoves que se impediu...