Axentes da Policía Nacional da Comisaría de Vigo detiveron a unha veciña da cidade, de 60 anos de idade, como presunta autora dun delito de tráfico de drogas, e á que se interviñeron máis de 30 doses de cocaína e heroína.
Segundo informaron fontes policiais, a investigación iniciouse polas denuncias de veciños ante a presenza de compradores de droga na contorna da rúa Coruña e a Praza Eugenio Fadrique.
Tras establecer un dispositivo de vixilancia, comprobouse que unha muller se citaba cos compradores para distribuír os estupefacientes, adoptando medidas de seguridade para eludir a acción policial.
A Policía interceptouna cando realizaba unha desas vendas e, ao cacheala, atopáronlle máis de 30 papelinas de cocaína e heroína, ademais de diñeiro en efectivo.
Por estes feitos foi detida e trasladada a Comisaría, onde se comprobou que non tiña antecedentes policiais. A muller e as dilixencias practicadas foron postas a disposición do xulgado de instrución de garda.