Da Risga e o IMV á renda básica. Dúas ducias de asociación sociais galegas presentan este martes 23 unha campaña para implantar un ingreso mínimo universal en Galicia para rematar cun “emprobecemento” que, segundo os convocantes, non é capaz de solventar o IMV do Goberno central nin a RISGA, á que caracterizan de “esmola”.
A presentación da medida, que esixen converter na “base” das políticas sociais do vindeiro goberno autonómico, contempla mobilizacións ante as dependencias da Xunta en A Coruña, Vigo e Santiago de Compostela. No caso de Vigo a concentración queda fixada ante as dependencias de Política Social, situadas na rúa Concepción Arenal, mentres que en Santiago terán lugar en San Caetano. Todas as convocatorias darán comezo ás 11:00 horas.
As demandas da campaña, titulada “Nin RISGA, nin IMV, renda básica xa!” oriéntanse á conformación dun ingreso que, a diferencia dos xa existentes, cubra a todas as persoas do ámbito do estado, independentemente da súa situación de regularidade documental. Neste aspecto, os convocantes consieran que a COVID puxo de relevo a necesidade de superar medidas “minúsculas” que deixan sen cobertura a unha ampla capa da sociedade, apunta.