InicioSucesosTrasladado ao Hospital Álvaro Cunqueiro un home que agrediu a varias persoas...

Trasladado ao Hospital Álvaro Cunqueiro un home que agrediu a varias persoas na vía pública

Dada a agresividade e corpulencia deste individuo, varios axentes tiveron que inmobilizalo para poder identificalo.

PUBLICADO O

- Advertisement -

Axentes da Policía Local de Vigo auxiliaron a un home de 44 anos de idade, V.C.R., que tentou agredir a varias persoas na vía pública, e que tivo que ser inmobilizado, sedado e trasladado ao hospital Álvaro Cunqueiro polo seu nivel de agresividade.

Segundo informaron fontes policiais, os feitos tiveron lugar ao mediodía deste xoves, cando unha dotación acudiu á rúa Cánovas del Castillo, tras recibir unha alerta de que un home estaba a agredir a outro.

Ao chegar ao lugar, os axentes separaron aos dous homes e tentaron tranquilizar ao que iniciara a agresión, que non paraba de arremeter contra o outro home, e contra un grupo de persoas que se atopaban nunha marquesiña dunha parada de bus.

Dada a agresividade e corpulencia deste individuo, varios axentes tiveron que inmobilizalo para poder identificalo. Unha vez acougado, o home sinalou que se atopaba en tratamento psicolóxico pero que ese día non tomara a súa medicación e que, ademais, consumira drogas.

As testemuñas explicaron que o home, sen ningún motivo, dirixiuse a unha moza que estaba fronte a un centro comercial, e encarouna en actitude violenta, tentado agredila; nese momento, outro home interpúxose para defendela e iniciouse a pelexa. Ademais, outra testemuña relatou que, momentos antes, o mesmo home agredira ao cliente dunha cafetaría próxima.

Os policías solicitaron unha ambulancia, dado que o home, volveu porse agresivo e proferiu insultos contra os axentes e contra as persoas que estaban na parada de bus.

Cando chegou o persoal sanitario, foi necesario inmobilizalo entre 7 persoas, xa que se resistiu. Finalmente, sedado foi trasladado ao Hospital Álvaro Cunqueiro nunha ambulancia, con apoio de efectivos da Policía Local..

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...