O Porto de Vigo retira máis de 19 toneladas de residuos dos fondos das dársenas das Avenidas e A Laxe

A Autoridade Portuaria de Vigo busca erradicar esta práctica, para o que incrementará a vixilancia.

Barco Mercante entrando no porto de Vigo / © Miguel Núñez

A Autoridade Portuaria de Vigo retirou máis de 19 toneladas de residuos das dársenas dos fondos das dársenas das Avenidas e A Laxe..

Segundo precisou o Porto, esta actuación, realizada en colaboración co Centro Tecnolóxico do Mar (Cetmar) desenvolveuse nos últimos meses e enmárcase na estratexia de crecemento azul Blue Growth.

Tras constatarse a acumulación de residuos sólidos nos fondos durante anos de actividade, adoptouse a decisión da súa retirada. Ademais, a Autoridade Portuaria de Vigo sinalou que busca erradicar esta práctica, para o que incrementará a vixilancia.

Así mesmo, apelou á colaboración dos usuarios do Porto para manter “limpas e en bo estado de conservación” as dársenas de Vigo dado que a maior parte dos residuos retirados relaciónanse coa actividade diaria e poden deriorar ao medioambiente, ademais de afectar á biodiversidade da zona.