A Fiscalía mantén a petición de 19 anos de cárcere para un veciño de Mondariz por abusos a unha menor

O xuízo deixara pendentes as probas periciais, que se aprazaron pola pandemia, e este xoves retomouse coa declaración de nove forenses, dous presencialmente e o resto por videoconferencia.

Xulgados de Vigo.

A Sección Cuarta da Audiencia Provincial de Pontevedra deixou visto sentencia o xuízo contra un veciño de Mondariz para o que a Fiscalía pediu unha condena de 19 anos e dez meses de prisión por supostos abusos sexuais con penetración sobre unha menor de 14 anos cun atraso madurativo e outro delito continuado de elaboración de pornografía infantil.

Na anterior celebración da vista oral o acusado recoñeceu que el lle enviou a ela unha foto espido, negou que a vítima lle enviase fotografías a el. “Eu nunca tiven relacións íntimas con ela”, asegurou e atribuíu a denuncia a “unha trama” para prexudicarlle na que parte da familia coa que xa entón levaba mal “preparou”, segundo dixo, á menor para que lle acusase.

O xuízo deixara pendentes as probas periciais, que se aprazaron pola pandemia, e este xoves retomouse coa declaración de nove forenses, dous presencialmente e o resto por videoconferencia.

As forenses da defensa realizaron o seu informe en base ás entrevistas realizadas previamente á menor e recoñeceron que non poden afirmar que a menor mente, apuntando que “non se cumpren os criterios para determinar se é crible ou non”.

EXIMENTE

O avogado que exerce a defensa do acusado pediu ao tribunal que teña en conta unha circunstancia atenuante eximente completa relativa a que se produciu un “consentimento libre da menor” que sería de aplicación porque neste caso dáse un “similar desenvolvemento do acusado e a menor”.

O letrado insistiu en que existe un “desfasamento entre a idade cronolóxica e mental” do procesado, aínda que ningún perito xudicial elaborou informes respecto diso.