Morre un motorista en Vigo tras chocar cun coche

Un motorista faleceu na mañá deste mércores nun accidente de tráfico rexistrado ao chocar o seu vehículo cun coche na rúa Pi e Margall na cidade de Vigo.

Atenden a un ferido nun accidente de moto

Un motorista faleceu na mañá deste mércores nun accidente de tráfico rexistrado ao chocar o seu vehículo cun coche na rúa Pi e Margall na cidade de Vigo.

Segundo informou o 112 Galicia, o Centro Integrado de Atención ás Emerxencias (CIAE) tivo coñecemento do sinistro ás 8,30 horas deste mércores a través da chamada de varios veciños que alertaban dun motorista tendido da vía despois de chocar cun turismo.

O sinistro mortal produciuse na confluencia de Pi e Margall coa rúa Chile, até onde se desprazou persoal de Urxencias Sanitarias de Galicia-061, que nada puido facer por salvar a vida do motorista.

Pola súa banda, o 112 Galicia informou, ademais, á Policía Local e aos bombeiros da cidade, que descartaron intervir en canto confirmaron que a vítima estaba liberada e accesible.