InicioSucesosProposto para sanción por utilizar un 'dron' na zona do aeroporto de...

Proposto para sanción por utilizar un ‘dron’ na zona do aeroporto de Vigo

A utilización destes aparellos con fins de lecer debe levarse a cabo fóra do espazo aéreo controlado.

PUBLICADO O

A Policía Nacional de Vigo propuxo para sanción o usuario dun ‘dron’ localizado mentres voaba pola zona aérea restrinxida do aeroporto de Vigo.

Fontes policiais detallaron que os feitos tiveron lugar o pasado venres sobre as 11,50 horas, cando un veciño de Redondela alertou de que observara como unha aeronave non tripulada sobrevoaba varias vivendas.

Deste xeito, unha dotación policial dirixiuse ao lugar. Tamén se mobilizou un helicóptero para buscar o aparello, que, segundo detallou o radar, se atopaba na área de aproximación á pista 19 do aeroporto de Peinador.

Así, ambos os indicativos localizaron á persoa que utilizaba o ‘dron’ e identificárono. Ademais, comprobáronse as características da aeronave e propúxose para sanción o seu usuario ante a Axencia Estatal de Seguridade Aérea (AESA) debido a un incumprimento da normativa vixente para o voo de aparellos pilotados por control remoto.

Adicionalmente, a Policía Nacional lembrou que a normativa vixente estipula que a utilización destes aparellos con fins de lecer debe levarse a cabo fóra do espazo aéreo controlado, así como a máis de 8 quilómetros do punto de referencia de calquera aeroporto oaeródromo. Tampouco poderán empregarse a menos de 8 quilómetros dos eixos de pistas de aeroportos e a súa prolongación ata 6 km desde o limiar das mesmas.

Así mesmo, apuntouse que non se permite que estas aeronaves sobrevoen aglomeracións de edificios ou persoas. Ademais, o seu uso deberá realizarse durante o día e a unha distancia adecuada respecto dos obstáculos, así como evitarse que poñan en risco a seguridade de persoas e bens.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...