InicioSociedadeVigo rexistra un novo falecido con Covid, un home de 72 anos

Vigo rexistra un novo falecido con Covid, un home de 72 anos

Xa son 615 as mortes totais en Galicia.

PUBLICADO O

A morte dun home de 72 anos na área sanitaria de Vigo elevou a 615 o número de falecidos con COVID en Galicia (483 en atención hospitalaria e 132 dentro de residencias de maiores), segundo os datos que trasladou este mércores a Consellería de Sanidade.

Así, despois dunha xornada, a do luns, na que non se notificou ningún falecemento, este martes informouse da morte dun home de 72 anos de idade, que estaba ingresado no Complexo Hospitalario Universitario de Vigo, e que padecía patoloxías previas.

Con este falecido, elévanse a 483 as vítimas mortais da COVID que recibían atención hospitalaria: 128 rexistráronse na área sanitaria da Coruña, 103 na de Ourense, 93 na de Vigo, outras 87 na de Santiago, 30 na Ferrol, 26 na de Lugo (dúas delas en atención domiciliaria) e 16 na de Pontevedra.

A esta cifra hai que sumar as 132 persoas falecidas no interior de residencias de maiores (onde non se notificaron mortes desde fai case tres semanas).

Así mesmo, hai que ter en conta que, do total de falecidos en atención hospitalaria, hai 140 persoas que estaban vinculadas a residencias. Por tanto, 272 vítimas mortais do COVID están relacionadas con centros residenciais (un 44,2 por cento do total de falecidos en Galicia).

FALECIDOS EN RESIDENCIAS

Desde que se iniciou a pandemia, morreron 22 usuarios no interior da residencia DomusVi de San Lázaro, 21 na nosa Señora da Esperanza (Ourense), outros 20 na DomusVi de Cangas, 12 na residencia DomusVi de Barreiro (Vigo), 9 no Portazgo (A Coruña), 8 en DomusVi Matogrande, 8 en Remanso Claudina-Somoza, e 7 en Santa Teresa Jornet.

Así mesmo, informouse da morte de 5 usuarios na residencia de Moledo (Vigo), e 3 nas Fragas de Pontedeume, os mesmos que en San Pedro de Crecente, en DomusVi Concepción Arenal (A Coruña) e na residencia Divino Maestro de Ourense.

Finalmente, nas residencias Fogar Bellolar, Castro Caldelas, Caser A Zapateira (Culleredo), San Carlos de Celanova, residencia de Foz, A nosa Señora de Fátima (Barco de Valdeorras), San José de Ourense e Fundación José Otero de Santiago, notificouse unha morte en cada unha delas

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...