InicioSociedadeCaballero recoñece a "saturación" nalgunhas terrazas e avisa que non dubidará en...

Caballero recoñece a “saturación” nalgunhas terrazas e avisa que non dubidará en aplicar sancións

"Non se poden producir aglomeracións e romper as distancias ou a disciplina da saúde, porque falamos de temas moi serios (...), respectemos as normas, son para coidar a vida da xente", di o alcalde vigués.

PUBLICADO O

- Advertisement -

O alcalde de Vigo, Abel Caballero, admitiu este mércores que se rexistrou “algunha saturación indeseada” en terrazas de locais de hostalaría da cidade tras iniciarse a fase 1 da desescalada de medidas de confinamento, e advertiu de que non lle “tremerá o pulso” para tomar decisións se esas situacións non se corrixen.

Nunha rolda de prensa, o rexedor olívico confirmou que, segundo informes da Policía Local, déronse episodios de aglomeracións, como o ocorrido na Praza da Independencia, onde varios nenos estaban reunidos xogando, mentres os seus pais estaban a tomar algo nas terrazas. “Isto non pode ser”, advertiu Caballero, quen fixo un chamamento “á responsabilidade” tanto dos clientes como dos propietarios dos establecementos.

“Non se poden producir aglomeracións e romper as distancias ou a disciplina da saúde, porque falamos de temas moi serios (…), respectemos as normas, son para coidar a vida da xente”, incidiu.

O alcalde lembrou que se mantén o estado de alarma e que o coronavirus “é tremendo e segue aquí”, polo que lanzou unha “moi seria advertencia”: “Tomémolo en serio, non nos podemos relaxar nin descoidar, porque isto non pasou”.

Abel Caballero explicou que a Policía “apercibiu” aos pais en Praza da Independencia e que a Asociación Provincial de Hostaleiros fixo pública “a súa propia regañina” con respecto ao ocorrido nalgúns lugares.

“Confío en que locais e clientes tomen medidas, pero xa saben que non me treme o pulso para decidir. A miña advertencia está sobre a mesa”, proclamou, en alusión a posibles sancións ou clausura de terrazas.

34 MILLÓNS PARA MANTEMENTO DE XARDÍNS

A Xunta de Goberno Local do Concello de Vigo deu luz verde ao expediente de contratación do servizo de mantemento de parques e xardíns da cidade, un contrato que ascende a 34,2 millóns de euros e que terá unha vixencia de 5 anos.

Así o confirmou o alcalde, Abel Caballero, nunha rolda de prensa telemática na que lembrou que a tramitación deste contrato estivo parada debido á crise sanitaria polo coronavirus, o que obrigou a prorrogar o actual contrato en vigor.

As principais novidades do novo contrato son o incremento de persoal do servizo e o aumento nun 10 por cento das zonas verdes atendidas, xa que se inclúen as novas áreas humanizadas.

Segundo destacou o rexedor, Vigo conta con máis de 11.000 árbores nas beirarrúas, ademais dos plantados en xardineiras como, por exemplo, os da Avenida de Camelias. Así mesmo, o espazo de xardineiras duplicouse con respecto ao contemplado no anterior contrato.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...