Familiares de maiores: “Non sabemos nada da nosa xente. A algúns non nos collen desde hai tres días”

Ambulancia cun sanitario vestido con ropas e proteccion conta o coronavirus © Miguel Nuñez

A Federación REDE composta por asociacións de usuarios e familiares de usuarios de residencias e dependencia denuncian a situación que se está a producir nas residencias do grupo DOMUS VI en relación co trato que reciben os familiares dos contaxiados nas suas residencias.

Así, critican que algúns deles levan días sen saber dos seus parentes. Particularmente nas de Aldán e Cangas, que se converteron na zona cero da pandemia en Galicia. Actualmente son 7 os falecidos e mais de 100 contaxiados e 17 traballadoras en Aldán e 72 contaxiados e 11 traballadoras en Barreiro con 6 falecidos. “A día de hoxe hai xente que sabe que o seu familiar é positivo e ninguén comunicou con eles dende hai tres dias”, din nun comunicado.

Os familiares, ven como o numero de mortos crece cada día creando unha situación de angustia que, din, “supón un maltrato adicional absolutamente innecesario ao sufrimento de saber que o teu familiar ten unha enfermidade grave e que pode ser mortal”. Ademais, bótanlle en cara á Administración galega non poder acompañalos neses momentos.

“Algúns familiares se lles comunica a situación do residente pero raramente a todos, e a algúns non se lles colle o telefono nin se lles chama dende hai 3 días”, denuncian. Por iso, a Federación REDE está recibindo ducias de chamadas cada día de familiares que piden a súa axuda para romper un bloqueo informativo “tan doloroso como fácil de resolver”,

SEN CHAMADAS

Neste sentido, aseguran que DomusVi alega que o persoal está desbordado e non pode facer chamadas, que as súas liñas están colapsadas e iso é por “non querer contratar máis persoal”. “Que esa empresa que presume de gañar 800 millóns ao ano, faga unha chamada a unha compañía telefónica e mañá ten en cada residencia montada unha centralita para atender a familiares”, din ao tempo que piden a persoas con formación en psicoloxía para atender aos familiares.

“Sabemos que a día de hoxe e a pesar do reforzo con persoal sanitario de Povisa sigue sendo escaso o persoal de limpeza e que tan so hai duas auxiliares para dar de cear nas súas habitacións a 150 residentes. É inhumano o trato que esta empresa dispensa as súas vítimas por aforrar uns euros”, conclúen.

5 COMENTARIOS

  1. Segundo comunica a Xunta de Galicia, DomusVi leva intervida polo SERGAS dende hai varios días… polo tanto non se comprende que alguén siga falando de DomusVi cando agora debera ser o SERGAS que dá a cara… do mesmo xeito onte mesmo Feijoo falaba de que artellarían un protocolo para permitir que 1 familiar estivese ao carón da persoa enferma (?)

    Se ningunha das dúas cuestións se pode resolver, penso que REDE debera dirixirse sen demora ao Xulgado de Garda e interpoñer a correspondente denuncia contra o SERGAS !

    Nin siquera son quen de CONTAR OS MORTOS especialmente das Residencias Integradas (alias Lazaretos) nin o Goberno Central dá cifras ao respecto… Así que antes de seguir a contar cadáveres sería boa cousa acodir ao XULGADO de GARDA !!!

  2. Pois ide á residencia e levade a eses familiares tan queridos para casiña, onde teñen que estar coma os nosos fillos. Só os traballadores esenciais teñen excusa para non levalos para casa. ¿Ou tamén vai ser que o 100% necesitan atención médica especializada e coidados que non poden recibir na casa?

    • Supoño que tódolos usuarios das chamadas “Residencias Integradas” (Lazaretos Feijoo) non poden abandoar o seu confinamento (?) ni siquera recibir visitas (?) así que o lugar máis axeitado para coidalos podería ser a Residencia do Monte Pío (Presidencia do Goberno Autonómico) que foi quen autorizou a apertura i EXPLOTACIÓN de todas estas “Granxas de Vellos” (?)

      Moitas familias se poideran siquera achegarse ás Residencias é probable que xa os tivesen na casa !

  3. Logo de 29 días de RECLUSIÓN FORZOSA, a Xunta recoñece que interviu 3 Residencias Privadas en toda Galicia !

    Pero quixeramos saber en que consiste esa INTERVENCIÓN (?)

    Publicar un nomeamento do DOG e pechar a porta ata que vaian morrendo os demáis (?)
    Lazaretos Feijoo S.L.

    https://www.xunta.gal/notas-de-prensa/-/nova/48323/xunta-interven-residencia-nuestra-senora-fatima-barco-valdeorras-para-convertela

    A ver se antes do 40 de maio xa temos resolto o problema (?)

DEIXAR UN COMENTARIO

Please enter your comment!
Please enter your name here