InicioSucesosDetido en Vigo tras atacar os policías que lle chamaron a atención...

Detido en Vigo tras atacar os policías que lle chamaron a atención por ter a música a un volume “enxordecedor”

O home atacou os axentes cun 'cutter'.

PUBLICADO O

Axentes da Policía Local de Vigo detiveron a un veciño da cidade, A.B.C., de 34 anos de idade, como presunto autor dun delito de desobediencia e atentado contra axentes da autoridade, tras atacar os funcionarios policiais que lle chamaron a atención por pór música a gran volume.

Segundo informaron fontes policiais, os feitos ocorreron na mañá do domingo, cando unha dotación do 092 se dirixoiu a un edificio do Calexón de Núñez, alertada polos veciños porque alguén tiña posta a música moi alta, o que resultaba molesto e impedía a normal convivencia.

Unha vez no lugar, os axentes constataron que, do domicilio desa persoa, saía un ruído “enxordecedor”, que mesmo se escoitaba desde o portal do inmoble. Ao entrevistarse co responsable, e tras “moito dialogar”, este aceptou baixar o volume.

Con todo, cando a unidade policial estaba a saír polo portal, decatouse de que o home volvera aumentar o volume da música, desatendendo os requirimentos dos axentes, e cunha “manifesta intencionalidade” de “molestar”.

Por iso, os policías volveron subir á súa casa e, cando chamaron a porta, este veciño abriu e atacounos cun ‘cutter’. Os axentes lograron repeler a agresión e reducilo, antes de detelo por atentado contra a autoridade.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...