O Grupo de Enxeñaría Física da Universidade de Vigo (UVigo) publicou o pasado 23 de marzo unha páxina web na que se pode consultar a evolución dos casos de coronavirus a nivel autonómico e nacional pero sobre todo a predición a curto prazo da evolución da pandemia en Galicia e España.

O catedrático da universidade impulsor da iniciativa, Humberto Michinel, detallou que a predición do número de casos para os dous días seguintes realízase a diario e axústase a medida que evoluciona, ademais de asegurar que a fiabilidade destes datos sitúase en torno ao 95 por cento. “Obviamente, unha previsión a un período maior sería menos exacta“, explicou.

Así a todo, a evolución da pandemia preocupa polo colapso que podería provocar no sistema sanitario e a capacidade limitada do propia sistema sanitario sumado ás baixas que poida provocar no persoal logo de que leven máis de 28 días loitando nesta ‘guerra invisible’ sen tregua.