InicioVigo e contornaVigoDetido un home por tentar agredir cun pau a un militar da...

Detido un home por tentar agredir cun pau a un militar da BRILAT despregado en Vigo

PUBLICADO O

- Advertisement -

A Policía Nacional detivo onte a un home de 54 anos de idade, de nacionalidade española, por un delito de Atentado contra a autoridade.

Os feitos tiveron lugar ás 15:00 horas cando un home que camiñaba pola praza de América achegouse armado cun pau cara ao responsable militar da Brilat de xeito ameazante.

Segundo o relato da policía nacional, este ordenoulle que gardase a distancia de seguridade debido ao Estado de Alarma e a alerta sanitaria polo virus COVID-19.

Ante a negativa desta persoa para separarse reiteroullo varias veces, pero lonxe de facer caso continuou coa súa actitude á vez que aumentaba o ton ameazante.

Outros dous membros da Brilat que permanecían na praza achegáronse para tentar acougar a este home, respondendo este de maneira violenta, dándolle un forte empuxón ao primeiro deles á vez que tentaba golpear ao segundo co pau, tras o cal emprendeu a fuxida cara a un Centro Comercial próximo.

Mentres isto sucedía dábase aviso á Sala Operativa do 091 que enviou dúas dotacións ,que formaban parte do Dispositivo Especial, ao Centro Comercial.

Instantes máis tarde localizábase a este individuo no interior e procedíase á súa detención e traslado a dependencias policiais.

Xa en Comisaría tomóuselle declaración e realizouse unha consulta das bases de datos na que se confirmou que xa contaba con 33 antecedentes policiais anteriores.

A detención foi levada a cabo por axentes do Grupo de Atención ao cidadán da Brigada de Atención ao Cidadán, pertencente á Comisaría de Policía Nacional de Vigo-Redondela, pasando todo o actuado ao dispor do Xulgado de instrución de Vigo, en funcións de garda.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...