Begoña Villacís quere “copiar” a Vigo para construir en Madrid “a noria máis grande de Europa”, e fai ‘Trending Topic’ a Abel Caballero

O feito, tivo numerosas reaccións por parte dos usuarios da rede. Lembráronse todos do alcalde de Vigo, coñecido no conxunto do Estado polas súas "obras faraónicas" e as luces do Nadal.

Noria de Nadal © Miguel Nuñez

O Concello de Madrid está buscando posibles localizacións para traer á cidade a noria máis alta de Europa. Segundo o xornal El Confidencial, estiman que duns 140 metros -fronte aos 135 do ‘London Eye’. A vicealcaldesa de Ciudadanos, Begoña Villacís e o delegado da área de turismo da capital, Mario Fuentes (Cs) reuníronse cos promotores o pasado venres.

A parcela onde se construirá debe ter 7.000 metros cadrados. A zona de Madrid Río é a primeira opción que barallan. O obxectivo é converterse “nun atractivo turístico” e “desconxestionar o centro da cidade“.

O feito, tivo numerosas reaccións por parte dos usuarios da rede. Lembráronse todos do alcalde de Vigo, coñecido no conxunto do Estado polas súas “faraónicas” luces do Nadal.

Deste modo, á mañá deste mércores 4 de marzo converteuse en Trending Topic “Abel Caballero” en tuiter. Os usuarios galegos, acusan aos madrileños de “copiar” as construccións do rexedor da cidade olívica. Por outra banda, sempre cun ton de sarcasmo, enaltecen a figura de Abel Caballero ou son críticos coas estratexias políticas da actualidade.

Pola súa banda, os madrileños son coñecedores “do rival contra o que xogan” e aseguran que Abel Caballero é o “influencer da política nacional”. Ante todo, a xente está á espera da resposta do alcalde vigués.

1 COMENTARIO

DEIXAR UN COMENTARIO

Please enter your comment!
Please enter your name here