InicioEconomíaAbel Caballero acusa a Xunta de pedir un "informe desfavorable" de Navegación...

Abel Caballero acusa a Xunta de pedir un “informe desfavorable” de Navegación Aérea para a ampliación do Ifevi

O Goberno galego solicita os informes sectoriais para a ampliación do Ifevi e o alcalde denuncia un atraso de máis dun mes.

PUBLICADO O

A Xunta de Galicia confirmou este venres que, unha vez recibido o informe do Concello de Vigo co resultado da exposición pública e a afectación de intereses locais, solicitou os informes sectoriais necesarios para tramitar a ampliación do Instituto Feiral de Vigo (Ifevi), ao amparo da lei 3/2016.

A Xunta destacou a necesidade de contar coa totalidade de informes “no prazo máis breve posible”, e que estes teñan sentido favorable. A ese respecto, referiuse ao informe de Navegación Aérea, “que podería ser desfavorable, tal e como sinalaron desde o Concello para xustificar a decisión de non incluír este ámbito na ordenación provisional”.

Nese sentido, o alcalde Abel Caballero considera que a Administración autonómica “está a convidar” ao organismo estatal a facer un informe desfavorable.

O Goberno galego sinalou que pediu os informes preceptivos aos departamentos do Goberno implicados, como a Dirección Xeral de Estradas, a Axencia Estatal de Seguridade Aérea, a Delegación do Goberno (Obras Públicas) ou os responsables das áreas de Telecomunicacións e Servidumes Acústicas.

No caso da administración autonómica, solicitáronse informes á Dirección Xeral de Patrimonio Cultural, Augas de Galicia, Dirección Xeral de Ordenación e Produción Forestal, Instituto de Estudos do Territorio (IET), Dirección Xeral de Enerxía e Minas, Dirección Xeral de Emerxencias e Interior, Dirección Xeral de Emerxencias e Interior, e da Dirección Xeral de Calidade e Cambio Climático.

Finalmente, tras lembrar que xa se puxo en contacto con diferentes ministerios para pedir “celeridade” nos trámites, a Xunta reiterou o seu “compromiso de iniciar a nova ampliación do Ifevi de modo inmediato”.

CRÍTICAS DO ALCALDE

O alcalde de Vigo, Abel Caballero, denunciou que a solicitude de informes por parte da Xunta realizouse con máis dun mes de atraso, e que puido pedilos hai semanas. Así mesmo, urxiu ao Goberno galego a que licite “hoxe mesmo” a obra, condicionando ese trámite ao proceso urbanístico.

Por outra banda, o rexedor mostrouse “alarmado” pola reflexión da Xunta sobre o informe de Navegación Aérea porque, ao seu xuízo, a administración autonómica “está a convidar” ao organismo estatal a facer un informe desfavorable. “Non dou crédito, que pida un informe desfavorable (…), é un insulto dicirlle aos profesionais en que dirección ten que ir o seu informe”, afirmou.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...