InicioEconomíaO coronavirus pode provocar a cancelación de cruceiros que ían parar en...

O coronavirus pode provocar a cancelación de cruceiros que ían parar en Vigo

O Porto de Vigo confirma a anulación de escala dun cruceiro xaponés polo coronavirus

PUBLICADO O

O Porto de Vigo confirmou este venres a anulación da escala do cruceiro xaponés ‘Asuka II‘, inicialmente prevista para o 13 de maio, debido ao coronavirus. Así o trasladou o presidente da Autoridade Portuaria, Enrique López Veiga, nunha rolda de prensa posterior á reunión do Consello de Administración do organismo portuario.

Segundo explicou, ata o momento confirmouse esta cancelación, motivada polo “medo” á expansión do coronavirus, que repercute nas decisións das navieras. “Despois do que pasou, hai medo a quedar pechados nos cruceiros (…), hai medo a meterse en sitios de moita concentración de xente”, constatou.

Así as cousas, o presidente da terminal olívica mostrou a súa “preocupación” porque a crise do coronavirus vai afectar ao tráfico de cruceiros, xa “paralizado en Asia”, e terá repercusións non só en Vigo, senón en todos os portos.

Enrique López Veiga expresou a súa esperanza de que, “se vén pronto o bo tempo” e remite a epidemia, quizá o Porto poida “recuperar a normalidade” con respecto a eses tráficos de pasaxeiros. Ata agora, hai confirmadas 73 escalas de cruceiros para 2020 na terminal olívica.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...