InicioDeportesAprobado o proxecto de reforma da bancada de Marcador en Balaídos, que...

Aprobado o proxecto de reforma da bancada de Marcador en Balaídos, que custará 16,6 millóns

Abel Caballero critica que a Xunta non achegue recursos á reforma "do estadio máis importante de Galicia".

PUBLICADO O

A Xunta de Goberno do Concello de Vigo aprobou este xoves o proxecto para a reforma da bancada de Marcador, no estadio municipal de Balaídos, que custará uns 16,6 millóns de euros, financiados pola administración local e pola Deputación de Pontevedra.

Así o confirmou o alcalde, Abel Caballero, quen insistiu, en varias ocasións, en que nin o Celta nin a Xunta de Galicia van achegar recursos para esta obra.

Tras a aprobación do proxecto, o Concello sacarao a licitación e está previsto que se adxudique nuns catro meses, de modo que as obras poderán empezar “en xullo ou agosto”. “Sen ningún atraso, todo segundo o previsto”, apostilou.

A reforma contempla a instalación de 6.418 butacas, a cuberta ondulada, adecuación de espazos interiores, redistribución da iluminación (as torres actuais serán eliminadas), a construción de almacéns, unha sala de conferencias, e zonas de uso terciario, “todo do Concello, que é o que paga”.

Ademais, engadiu, no marco desta actuación tamén se acometerá a reforma da bancada de Río Baixo, onde se vai retirar unha de cada cinco filas, para gañar espazo entre os asentos.

“EXPLICACIÓNS DE FEIJÓO”

O alcalde proclamou que o presidente da Xunta, Alberto Núñez Feijóo, deberá dar “moitas explicacións” de por que o Goberno galego non achega recursos á reforma “do estadio máis importante de Galicia”.

Nesa liña, volveu preguntar por que Feijóo “quere que o Celta xogue en Mos”, e non en Balaídos, un “estadio monumental”.

Por outra banda, preguntado pola anunciada nova concesión do estadio ao Celta, para a que se encargaron diversos informes, Abel Caballero eludiu pronunciarse.

Así, o alcalde limitouse a insistir en que “non hai un convenio de cesión” e que “de momento, o que hai son unhas obras, e o Celta non paga nada”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...