InicioPolíticaCaballero celebra a sentenza a favor da PassVigo só para vigueses: "Un...

Caballero celebra a sentenza a favor da PassVigo só para vigueses: “Un baño de realidade a Feijóo”

A alcaldesa de Mos, Nidia Arévalo (PP), confirmou que recorrerá o fallo do Contencioso número 2, e Abel Caballero tamén lembrou que o Concello de Vigo recorrerá a sentenza do Contencioso número 1. "Imos recorrer e imos gañar", resolveu.

PUBLICADO O

O alcalde de Vigo, Abel Caballero, celebrou este luns que o xulgado do Contencioso Administrativo número 2 de Vigo “entende” a política municipal e “ten na cabeza a Constitución e a autonomía local”, despois dunha sentenza na que inadmite un recurso presentado polo Concello de Mos en contra da esixencia do empadroamento como requisito para obter un cartón que bonifica as viaxes no bus urbano da cidade olívica.

Esta sentenza foi feita pública poucos días despois de que outro xulgado da cidade, o do Contencioso Administrativo número 1, dese a razón a outro concello demandante, o de Redondela, precisamente con respecto a ese requisito do empadroamento.

En declaracións aos medios este luns, o rexedor olívico celebrou que o maxistrado que resolveu inadmitir o recurso de Mos “entende extraordinariamente ben” que cada concello ten autonomía para decidir as súas políticas e, entre esas políticas, as relativas ás tarifas e ás bonificacións no servizo de bus urbano, prestado por unha concesionaria municipal.

Abel Caballero apuntou que, na sentenza, o xulgado non só considera que o Concello de Mos non está lexitimado para ese recurso, senón que “entra no fondo” da cuestión e “avala enteiramente a posición de Vigo”. “É un baño de realidade a Feijóo”, proclamou o alcalde.

Segundo reiterou, esta segunda sentenza “é meridiana” e supón “un bo pau” para o presidente do goberno autonómico pola “tirria que lle ten a Vigo”, tras aprobar unha lei (a 2/2017) “como vinganza” para “obrigar os vigueses a pagar os buses dos de fóra”. A ese respecto, repetiu que se eses municipios queren ter bonificacións para a súa veciñanza, o custo debe ser asumido pola Xunta, porque se trataría dun servizo “supramunicipal”.

Finalmente, e despois de que a alcaldesa de Mos, Nidia Arévalo (PP), confirmase que recorrerá o fallo do Contencioso número 2, Abel Caballero tamén lembrou que, o seu caso, o Concello de Vigo recorrerá a sentenza do Contencioso número 1. “Imos recorrer e imos gañar”, resolveu.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...