InicioPolíticaGonzalo Caballero pide explicacións a Feijóo sobre súa relación co exdirector de...

Gonzalo Caballero pide explicacións a Feijóo sobre súa relación co exdirector de Pemex detido por corrupción

Insta a explicar por que se fixo fotos con este empresario e "por que non chegaron ao naval galego os 20 buques cos que tentou gañar unhas eleccións".

PUBLICADO O

O secretario xeral do PSdeG, Gonzalo Caballero, instou ao titular do Goberno galego e líder do PPdeG, Alberto Núñez Feijóo, a explicar a súa relación co exdirector xeral de Pemex Emilio Lozoya Austin. O mexicano foi o impulsor da compra do estaleiro vigués Barreras por parte da petroleira.

O candidato socialista á Presidencia da Xunta emprazou ao máximo mandatario autonómico a explicar as súas “relacións políticas” despois de que Lozoya fose detido en Málaga pola Policía Nacional en virtude da orde de procura e captura emitida polas autoridades mexicanas a través da Interpol por presuntos delitos de corrupción e delincuencia organizada.

Respecto diso, en declaracións aos medios, Gonzalo Caballero instou ao presidente da Xunta a explicar por que se fixo fotos con este empresario e “por que non chegaron ao naval galego os 20 buques cos que tentou gañar unhas eleccións“.

Chegaron só dous e un aínda está no estaleiro de barreiras en situación moi complexa“, manifestou o líder socialista, que censurou que “Feijóo non solucionou os problemas do naval de Galicia“. “Enganounos cando foi a asinar contratos para ter 20 buques e o único que quedou de todo aquilo é que o sector naval ten os buques pendentes e a foto de Feijóo cun prófugo hoxe detido por corrupción”, engadiu.

“Que lle pasa a Feijóo que alí onde se saca fotos ten problemas?“, preguntouse para censurar que o presidente da Xunta criticase no último pleno da Cámara galega unhas instantáneas nas que se pode ver Gonzalo Caballero co presidente do Goberno, Pedro Sánchez.

REVERTER OS “RECORTES” DE FEIJÓO EN SANIDADE

Á parte de pedir explicacións a Feijóo sobre o caso de Pemez, Gonzalo Caballero tamén se comprometeu a transformar os “recortes e privatizacións” levados a cabo por Alberto Núñez Feijóo en “políticas de aposta e defensa da sanidade pública”.

O secretario xeral dos socialistas galegos lanzou esta mensaxe durante a súa participación na protesta que este xoves celebraron veciños e persoal sanitario ante o centro de saúde da Guarda. “Nós cumpriremos coa sanidade pública e coa Guarda a diferenza do que fixo Feijóo en 11 anos de abandono deste concello e este centro de saúde”, manifestou.

Na súa visita a este municipio pontevedrés, Gonzalo Caballero tamén se referiu á “demanda histórica” dos veciños da Guarda para que se poña en marcha un corredor que os comunique “de forma adecuada” co resto da comarca e o sur da provincia.

DESÉXALLE O MELLOR AO RESTO DA ESQUERDA

Por último, preguntado sobre a situación da esquerda rupturista en Galicia, Gonzalo Caballero asegurou que o PSdeG ten “os deberes feitos” para estas eleccións autonómicas e volveulle desexar ao resto de forzas da esquerda que fagan “o mellor posible”. “Moita sorte a todos. Nós dedicámonos a convencer a Galicia de que os votos ao PSdeG sexan os votos para a maioría de progreso en Galicia”, apuntou.

Ademais, aproveitou para referirse “aos problemas” que ten o Partido Popular “para levar a acordos con Vox e Ciudadanos”. “Vaia lea teñen estes da dereita que non son capaces de arranxar a sanidade en Galicia e van vir competir entre eles para facer os desastres que fan en Madrid, Andalucía e Murcia”, resolveu.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...