InicioSociedadeEnxeñeiros da UVigo desenvolven un proceso de produción de nanofibras de vidro...

Enxeñeiros da UVigo desenvolven un proceso de produción de nanofibras de vidro sen limitación de lonxitude

O proceso, denominado Fibrado continúo por fusión láser (Cofiblas, polas súas siglas en inglés), combina un láser de alta potencia cun chorro supersónico de aire.

PUBLICADO O

Investigadores da Escola de Enxeñaría Industrial da Universidade de Vigo (UVigo) desenvolveron o primeiro proceso produtivo que permite conseguir nanofibras de vidro sen limitación de lonxitude.

Segundo trasladou a universidade nun comunicado, o proceso, denominado Fibrado continúo por fusión láser (Cofiblas, polas súas siglas en inglés), combina un láser de alta potencia cun chorro supersónico de aire. Deste xeito, quéntase e moldéase o material para producir fibras de vidro contínuas cuxo espesor se pode controlar a vontade. Así, este último pódese situar entre 300 nanómetros e 30 micras.

A este respecto, o primeiro autor do artigo sobre este proxecto que publicou a revista ‘Science Advances’, Félix Quintero, destacou que a produción dunha fibra contínua, fiada ou tecida, facilita a súa manipulación e permite ampliar as súas aplicacións. Ademais, a súa lonxitude elimina o risco de inhalación accidental.

Os investigadores do Grupo LaserON, que conta con financiamento da Xunta e o Ministerio de Ciencia e Innovación, tamén destacaron que o custo da fibra de vidro é menor que o doutros materiais e resaltaron a súa alta flexibilidade e resistencia. Así mesmo, este material pódese reciclar dun modo sinxelo.

Así, os resultados de múltiples simulacións matemáticas permitiron abordar a construción dun sistema experimental a través do que se realizaron probas para axustar os parámetros que permiten controlar o proceso. En concreto, o traballo desenvolvido polos investigadores durante máis dunha década facilitou a optimización do proceso, aínda que sería necesario adaptalo a unha escala industrial para levar a cabo unha explotación comercial.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...