Os abonados do Celta de Vigo esgotaron en apenas dúas horas todas as invitacións que o club puxo á súa disposición para o partido do próximo domingo contra o Sevilla.

Desde primeira hora da mañá centos de socios fixeron unha longa cola nos exteriores do estadio municipal para conseguir unha entrada, ante a imposibilidade de adquirila vía online.

Cada socio podía adquirir dúas invitacións co seu carné, pero un mesmo abonado podía recoller tantas invitacións como abonos presentase. Por exemplo, unha moza levou vinte entradas, pois ademais do seu carné presentou o de nove amigos.

Pasadas as doce do mediodía, dúas horas despois da apertura dos despachos de billetes, o Celta comunicou que as entradas se esgotarán, polo que Balaídos achegarase ao cheo no choque ante o Sevilla, por fin.