Un choque múltiple con ata seis vehículos implicados deixou catro persoas feridas no concello de Vigo.
Segundo os datos facilitados polo 112, o accidente produciuse na Avenida de Alcalde Portanet, á altura do número 40, sobre as 10:15 horas da mañá. Varios particulares solicitaron axuda para os ocupantes dos vehículos implicados nun accidente na parroquia de Santa María de Castrelos.
Desde o 112 púxose a situación en coñecemento do 061, Bombeiros de Vigo e de Protección Civil da localidade. Un dos feridos tivo que ser excarcerado e outros foron trasladados ao centro hospitalario.
