InicioPolíticaCaballero reclama retomar o proxecto do túnel en Beiramar: "Carril bici si,...

Caballero reclama retomar o proxecto do túnel en Beiramar: “Carril bici si, pero túnel tamén”

Segundo criticou o alcalde, a iniciativa caeu no esquecemento coa chegada de Feijóo á Xunta: "tres campañas electorais enganando á cidade".

PUBLICADO O

O alcalde de Vigo, Abel Caballero, aplaudiu o proxecto de Xunta e Porto de facer un carril bici desde Praza da Estrela ata a Praza da Conserva, pero reclamou que se recupere o proxecto (que data do 2009) de construír un túnel e transformar a Avenida de Beiramar nun espazo peonil.

Así o trasladou nunha rolda de prensa, na que lembrou que o goberno bipartido de PSdeG e BNG proxectou ese túnel e a transformación do viario en superficie. Segundo criticou, a iniciativa caeu no esquecemento coa chegada de Feijóo á Xunta, aínda que o PP a anunciou en sucesivos períodos electorais. “Tres campañas electorais enganando á cidade”, censurou o rexedor.

Ante o anuncio de que Porto e Xunta habilitarán un carril bici por toda a fachada portuaria, Abel Caballero expresou que esa actuación é do seu agrado, pero advertiu de que non se pode intercambiar un proxecto de decenas de millóns de euros, como era o túnel e a peonalización, por unha actuación “de 200.000 euros”. “Carril bici si, pero túnel tamén”, apostilou.

“Eu non renuncio a ese proxecto, esta cidade xa non renuncia a nada”, proclamou Abel Caballero, quen volveu lembrar que a Xunta construíu o túnel do Parrote na Coruña e, da actuación de Beiramar, “nin se sabe nin se espera”.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...