InicioSociedadeA Mesa denuncia a "mala" atención a un neno que falaba galego...

A Mesa denuncia a “mala” atención a un neno que falaba galego no hospital Álvaro Cunqueiro

A Mesa explicou que recibiu a queixa desta nai a través da Liña do Galego, un servizo que en 2018 tramitou 303 queixas, das que un 12% estaban relacionadas co Sergas.

PUBLICADO O

- Advertisement -

A Mesa pola Normalización Lingüística denunciou “malas maneiras” na atención a un neno por parte dunha pediatra que asegurou “non ser galega” no servizo de urxencias do Hospital Álvaro Cunqueiro de Vigo.

Diso deu conta nun comunicado remitido aos medios, no que a asociación informa da queixa dunha nai que afirma que tivo que “facerlle de tradutora” e “repetir á facultativa en castelán todo o que dicía o neno”.

“O neno tiña 39 e medio de febre e un posible cadro de apendicitE pero a pediatra pedíalle constantemente que lle repetise onde sentía a dor, xa que se expresaba na súa lingua habitual, que é o galego”, sinala A Mesa.

Debido a estas cuestións, A Mesa pola Normalización Lingüística esixiu ao conselleiro de Sanidade, Jesús Vázquez Almuiña, que o Servizo Galego de Saúde (Sergas) respecte os dereitos lingüísticos da cidadanía galega e cambie todo o necesario para que non se produzan máis este tipo de situacións.

A entidade de defensa da lingua galega, que levou o caso á Valedora do Pobo e á Secretaría Xeral de Política Lingüística, lembrou que o Estatuto de Autonomía sinala que a lingua propia de Galicia é “o galego” e que os poderes públicos deben garantir o uso normal e oficial dos dous idiomas, así como potenciar o emprego do galego en “todos os planos da vida pública, cultural e informativa”.

A Mesa explicou que recibiu a queixa desta nai a través da Liña do Galego, un servizo que en 2018 tramitou 303 queixas, das que un 12% estaban relacionadas co Sergas.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...