Política Social destaca o papel dos comedores sociais, sobre todo no Nadal

O director xeral de Inclusión Social visitou La Esperanza de Vigo este sábado.

Comedor social

O director xeral de Inclusión Social, Arturo Parrado, visitou este sábado o comedor social La Esperanza de Vigo, ao que a Xunta de Galicia destina máis de 200.000 euros entre 2018 e 2020. Alí mantivo unha entrevista de traballo con representantes da entidade encargada da súa xestión, Casa Caridade-Fogar San José, para coñecer a súa situación e necesidades do centro.

No transcurso do encontro, Arturo Parrado destacou o papel de organizacións como esta polo seu papel na atención ás persoas máis vulnerables, especialmente nestas datas de Nadal. O director xeral subliñou que Vigo é unha cidade máis solidaria grazas aos servizos que se prestan os 365 días do ano o comedor La Esperanza.

Neste sentido, afirmou que esta entidade seguirá contando co apoio do Executivo galego na posta en marcha de iniciativas que loiten pola plena inclusión e pola axuda ás persoas máis vulnerables, un labor para o que estimou imprescindible a colaboración con todas as administracións involucradas.