Unha persoa resultou ferida leve en Vigo despois de que se viñese abaixo parte do falso teito dun restaurante da rúa Vía Norte, no que se atopaba ceando.

Segundo informa o 112 Galicia, tivo constancia do ocorrido pouco antes das 23,00 horas da noite deste sábado. En concreto, foi un particular quen solicitou asistencia para unha persoa que se atopaba mal despois de que parte do teito do local se derrubase.

Seguidamente, a central de emerxencias puxo en alerta ao persoal de Urxencias Sanitarias-061, que enviou ao lugar unha UVI móbil para enviar ao afectado ao centro hospitalario de referencia. Tamén foron informadas a Policía Local e Nacional. Os servizos médicos atenderon a unha segunda persoa que tamén tivo que ser trasladada.

O restaurante, aseguran fontes consultadas, atopábase cheo no momento do suceso e os clientes tiveron que ser desaloxados durante aproximadamente unha hora. Do ocorrido tamén foron informados os bombeiros de Vigo, a Policía Local e a Nacional.