InicioMedio Ambiente e PatrimonioPor que se pode facer Porto Cabral e non a Cidade Deportiva...

Por que se pode facer Porto Cabral e non a Cidade Deportiva do Celta?

Marea e BNG piden ao goberno vigués que rexeite Porto Cabral "coa mesma vehemencia" que o proxecto do Celta en Mos e critican a "opacidade" do equipo de Caballero ante unha iniciativa que cualifican de "pelotazo" sen interese público.

PUBLICADO O

Marea de Vigo e BNG denunciaron este mércores a “opacidade” do goberno da cidade con respecto ao proxecto de macrocentro comercial coñecido como Porto Cabral, ao mesmo tempo que presenta alegacións contra o desenvolvemento dunha cidade deportiva e unha área comercial promovida polo Real Club Celta no municipio veciño de Mos.

O portavoz de Marea, Rubén Pérez Correa, proclamou que “hai que ter moito ‘morro'” para presentar alegacións á área comercial de Mos, argumentando que o terreo é chan forestal de especial protección e alertando contra as consecuencias que esa área pode ter no tecido comercial de Vigo.

Segundo indicou, os promotores de Porto Cabral pretenden desenvolver un “proxecto análogo” en montes comunais de Vigo, co agravante de que esa iniciativa “non ten encaixe” na actual lexislación. “O Concello debería dicilo xa claramente, que iso non se pode facer”, afirmou Pérez Correa, quen criticou que, mentres o goberno vigués se opón ao proxecto do Celta en Mos, mantén unha actitude de “silencio, colaboración interesada ou mesmo apoio explícito” con respecto a Porto Cabral.

Por outra banda, o portavoz de Marea de Vigo lembrou que o ámbito no que se pretende facer esa actuación, en Liñeiriños, prevía que as cargas urbanísticas servisen para financiar a futura Cidade do Deporte, onde se asentaría o Celta. “E agora xa non se vai a facer en Vigo”, lembrou e engadiu que, ademais, Porto Cabral “acabaría con gran parte do pouco monte que queda a esa parroquia”.

“VEHEMENCIA” DO GOBERNO CONTRA O PLAN DO CELTA

Mentres, o concelleiro do BNG, Xabier Pérez Igrexas, esixiu ao goberno municipal que “poña fin á permanente improvisación e a opacidade que envolve” ao proxecto de Porto Cabral, e recalcou que “nin un só metro de monte comunal pode destinarse a unha operación claramente especulativa, un pelotazo, e menos para un macrocentro comercial”.

O edil nacionalista afeou ao equipo de Abel Caballero que, mentres presenta alegacións ao proxecto do Celta, pretenda “legalizar pola porta de atrás” ámbitos de desenvolvemento comercial, como Cruceiro ou Recaré, ou que mesmo a Zona Franca, “dirixida polo PSOE”, queira “converter” o Parque Tecnolóxico e Loxístico de Valadares nun “parque comercial”.

Pérez Igrexas preguntouse “que interese público” pode ter o desenvolvemento de Porto Cabral, e pediu ao goberno vigués que se opoña a ese proxecto “coa mesma vehemencia” coa que rexeita a iniciativa do Celta en Mos. Segundo engadiu, o que se debe facer neses terreos de Cabral é “unha gran reserva forestal”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...