InicioEconomíaCorina Porro destaca a importancia da educación para alcanzar unha sociedade con...

Corina Porro destaca a importancia da educación para alcanzar unha sociedade con “tolerancia cero” ao acoso machista

A ex deputada popular Ana Pastor Asegurou vía audivisual que "hai moito por facer" xa que as mulleres aínda teñen dificultades de acceder a determinados empregos e son elas as primeiras en perdelo.

PUBLICADO O

A delegada territorial da Xunta en Vigo, Corina Porro, destacou este mércores a importancia de traballar na educación dos máis novos para alcanzar unha sociedade con “tolerancia cero” ao acoso machista. Así o sinalou na inauguración do I Foro Empresarial de Galicia para a Igualdade, a Responsabilidade Social Empresarial e a Prevención do Acoso e a Violencia de Xénero organizado pola Confederación de Empresarios de Pontevedra (CEP).

“Grazas ao esforzo que fagamos hoxe na educación conseguiremos un mañá igualitario”, reivindicou a tamén exalcaldesa da cidade olívica, tras o que engadiu que “é preocupante o incremento das relacións tóxicas entre os mozos”. Para ela son necesarios “catro principios fundamentais” para cambiar esta situación: A igualdade de xénero como elemento transversal na Educación, a construción dunha sociedade igualitaria empregando a educación como medio, violencia cero nas aulas e na sociedade e educar na integración “plena” máis aló da condición afectiva ou sexual.

Porro viu de forma clave acabar cos “chascarrillos” que aínda se escoitan en “moitas empresas” sobre as mulleres e reivindicar o liderado das mulleres para terminar co acoso no mundo laboral. Neste sentido, destacou a importancia da colaboración pública-privada para a igualdade, polo que detallou as accións que desde a Xunta de Galicia están a realizarse, como o protocolo para a detección e tratamento da violencia de xénero nas empresas.

LONXE DA IGUALDADE

Pola súa banda, na presentación do Foro tamén estivo presente a subdelegada do Goberno en Pontevedra, Maica Larriba, quen reivindicou a necesidade de conseguir a igualdade entre homes e mulleres porque “sendo realistas” aínda está “un pouco lonxe”. Larriba valorou o Plan Estratéxico de Igualdade de Oportunidades levado a cabo polo Executivo de Pedro Sánchez, a través do cal se definen obxectivos e medidas prioritarias para eliminar a discriminación por razón de sexo.

Tamén falou, aínda que de forma audiovisual, a deputada popular e exministra Ana Pastor, quen a través dun vídeo (debido a non poder asistir ao acto) dixo sentirse “privilexiada” de conseguir os cargos que ostentou na súa carreira pero “a maioría das mulleres non gozan desta posición”. Asegurou que “hai moito por facer” xa que as mulleres aínda teñen dificultades de acceder a determinados empregos e son elas as primeiras en perdelo. Apostou por unha “boa formación” xa que é a “base” para desenvolver unha vida profesional “satisfactoria e alcanzar plena autonomía”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...