A Policía Local de Vigo detivo na mañá deste xoves a un mozo vigués, J.M.R. de 25 anos de idade, sobre o que pesaban tres procuras con detención e presentación ditadas polos xulgados de Penal número 2 e 3, así como do de Instrución número 5 do municipio debido a acumular ata seis requisitorias (ordes de presentación a causas xudiciais) pola comisión de ilícitos penais.
Sobre o mesmo home constaban a maiores tres investigacións de domicilio e paradoiro dos xulgados de Instrución número 4 por dúas causas e unha do número 9.
Así, tal como informou nun comunicado a Policía, mediante a xestión e o traslado destas instrucións iniciáronse tarefas encamiñadas á inmediata localización do citado, co fin de presentalo ante a Autoridade Xudicial competente e responder as accións obxecto das ordes ditadas.
Por iso, logrouse localizar ao mozo na zona da rúa Fragoso, procedendo os axentes á súa detención e posta a disposición dos distintos órganos xudiciais.
