InicioSociedadeProtesta en Vigo para evitar o desafiuzamento dunha parella con dúas fillas...

Protesta en Vigo para evitar o desafiuzamento dunha parella con dúas fillas menores

Unhas 30 persoas concéntranse diante do Concello de Vigo para reclamar "unha vivenda digna para todos"

PUBLICADO O

Unhas 30 persoas concentráronse na mañá deste venres diante das portas do Concello de Vigo para reclamar e “loitar polo dereito a unha vivenda digna para todos”, polo que criticaron que as administracións leven anos “atendendo só aos desexos dos grandes capitais” que, ao seu xuízo, “especulan con necesidades básicas”.

Neste sentido, criticaron que tanto o Concello de Vigo como a Xunta de Galicia só ofrezan como alternativa ao mercado da vivenda “un labirinto de esmolas sociais que deixan na rúa ás persoas“. Entre os asistentes atopábanse o portavoz nacional de Anova, Antón Sánchez; Carlota Pérez, da Plataforma Antidesahucios de Vigo, así como a presidenta da Federación de Asociacións Veciñais de Vigo ‘Eduardo Chao’, María Pérez, entre outros.

Así, un dos responsables da Oficina de Dereiros Sociais de Coia-Vigo (convocante da concentración), Diego Lores, relatou a situación dunha parella viguesa con dúas fillas menores á cal a van a desaloxar do piso que tiñan en aluguer debido a non poder pagalo porque subsisten cunha Renda de Inclusión Social de Galicia (Risga).

Segundo informou Lores, “ningunha das administracións ofreceulles unha vivenda alternativa” e só “esmolas” unha vez consigan alugar outro piso. “Queren que pensemos que os nosos problemas son os metros de altura dunha nora, o número de luces de Nadal que van pór nas rúas da cidade ou cantos postos vai ter a feira de Nadal. Pero os problemas que padecemos a maioría pasan por malvivir sen ter cubertas as necesidades básicas“, relata o manifesto da concentración deste venres.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...